من انتم
نحنا الطحالب
... ... مغرر بينا والله غالب
نحنا عيلة وبوها هارب
طلع دجال جبان وخايب
وتمت عالفيس فضايحنا
ما تعرف نحنا من نحنا
نحنا اللي دٌرنا
واعطينا للوطن ظهرنا
وين نادا نحنا استنكرنا
كيف ننحو اللي قاهرنا !!؟
نبوه معمر وان كان ذبحنا !!
ماتعرف نحنا من نحنا
نحنا الفسس
نحنا الخاين والمندس
شرانا معمر بسوم بخس
هتفناله معمر وبس
وبالكفر هتفنا وصرحنا
ما تعرف نحنا من نحنا
نحنا اللي كنا صادا
اخضر زي لون الجرادة
ايدنا حرب الابادة
حرب الطاغي ضد بلاده
وبالدم ايدينا لطخنا
ما تعرف نحنا من نحنا
نحنا الازلام نحنا اتباع النظام
جري بينا سيف الاسلام
كذب عيشنا في اوهام
ضحك علينا وزلبحنا
ما تعرف نحنا من نحنا
نحن الاتباع
نحنا اللي بلاده باع
قضيناها مع الصياع
في ديسكو وبيت الضياع
قبلة الهمج و الرعاع
لين تعرينا وانفضحنا
ما تعرف نحنا من نحنا
نحنا العفينة
ليالي باب العزيزية قضينا
في كل المسيرات مشينا
سنون صفر وحنة في يدينا
علي مقولات الشرك ردحنا
ماتعرف نحنا من نحنا
نحنا الطابورالخامس
ترتيبه في الدور
اللي حاقد مليان شرور
اللي طعناكم في الظهور
اشاعة تخلينا في سرور
ان قالوا الثورة في محنة
ماتعرف نحن من نحنا
نحنا الخيان
بعناها بأرخص الاثمان
زعم نلقوا منها غفران
زعم مازلنا فيها مكان
والشعب الليبي يسامحنا
اليومية
