شوية مسجات وان شاءالله يعجبكم
عليه اللعنه..من يوم ما رحل بالشوق ما ودعنا..عزيز تباً له ..عليه اللعنه.
ما هي نزوه أخترتك حبيب لروحي وظل وعزوه..موش مصلحه صوبك..وما هي نزوه..
يلعن بوهن..الشوق والغلا والصوب.ما نبوهن..لو كان ماهن لك ..يلعن بوهن.
فوق ما تصور..سبله وبلا سبله امغير ايدور..حاكم عليه اريافه..فوق ما تصور.
هابتين وهابا..حتى العقل متسبل ايريد احبابه..
مش بس عيني..
خيرتهن واختارن..ولا غيرك غوالي دارن..لانظار يا عزيز خيرتهن واختارن..
من هذي يا عزيز انخاف.. ناخذ عليك ومني توتخذ..
خلاني العزيز رماد ..امغير فيش يانار والعه..
مادا يعني.......من يوم رحل بالشوق ماودعني...... عزيز فاتني ياناس
والرد عليها.........
هدا يعني ...
يعني باعك....بعد ماتمسكن لين تم خداعك........بعد مارشقلك حربته في أظلاعك....وهدا اللي يعنيه ماذا يعني
عليا ادلل ويش اتريد..كلام أكيد..بعد صوبك ما صوب انريد..
ياحنون اعربلي.....ان كان الغلا مرفوع ليش الشقا ناصبلي
ومن كثر يالعزيز غلاك..تظلم واندير روحي ظالمك.
يوم بيوم يزيد الغلا ويزيد قل النوم يا أعزاز ارحمو
ممكن وممكن لا..بختي عطيب وماعليه عبا..اعزاز يقسموا ..ممكن وممكن لا
كانك نويت جفانا ......وتي الكفن والموت والجبانة.......وطابور العزا
مازال فيه مجال .. ياسع اعيوبك ياعزيز تعال خود غايتك ....
عيني عالصبر مربيها ............. غير معاك اوحلنا فيها
ما له داعي..سطير عقاب الليل زاد اوجاعي..يا قلب يكفي هم ..ماله داعي
ما عمرهن في عمرهن لانظار ملن منك ..وطول عمرهن يا عمرهن ايفيضن غلا وايجنك..
وفي تابوتي ... اليوم طيفهم لا حق جنازة موتي .. تحت الكفن جاني ....وفي تابوتي
كيف شريفه .هابت غلا بوشهاب وانا كيفه .ياخايفه من الصوب .كيف شريفة
بدري بدري......انكان في عين العزيز ينقص قدري ايجيبك اللــــــه يا موت .......بدري بدري
كاتب عليه إزالة......قلبي خوايةطايحات أقفاله بعد غيبتك.......كاتب عليه إزالة
شاور شيرة.......بالك نعذرك ونقول فيه الخيرة انكانك نويت الهجر .......شور شيرة
هذينا اللي توا عندي وان شاءالله يعجبنكم ولي عنده مسج مايبخلش علينا ويكتبه
يف الدمار الشامل اجتاح المشاعر شلهن بالكامل فتاك جرحهم
خله خله راك تقربه تلقاه ينزف كله جرح القديم التم خله خله
يا نقالي انكان ما مرسال جبتلي مالغالي
نمنع عليك الشحن يا نقالي
نمنع عليك الصوت
ونمنع عليك تعبايه الكروت
وانكسرك ونديرلك تابوت
وفيك نتعزا من الرفق والخوت
انكان رفضت اتوصله مرسالي !
رن وسكر بلا صوتك بجد جوى معكر بالك انروق شوى رن وسكر
مانك رخيص عليهن العقل والقلب والروح ساكن فيهن الله يحفظك
سادهن ما جاهن انت دوا لنظار مانك داهن....غايب عليهن ليش؟
كل الاماكن ضاقت.... مش بس عينى يا عزيز اشتاقت.... واسال ضميرك كان عندك شك ...الاماكن كلها... مشتاقة لك
ماهو قطره .. ولاهو محدود ويمكن حصرة غلاك في قلبي بحور .. ماهو قطره
موش اخساره اندز السلام وانزيد في تكراره فيكم ياعزاز القلب موش اخساره
مالك طلعه .. مسكر عليك الصدر ضلعه ضلعه يلي سكنت القلب .. مالك طلعه
امرايف عليك انريدك والعقل عندك ياالعزيز وبيدك.. يريد شوفتك
بيهم يامولاي اجمعني
انا ندعي وأنت سامعني
*********************
تسلم يا دزاز الود
جميلك وافي ماله حد
*********************
مهما جديد انجدد ... هو غايتي ونا عليه امكبد .... قديم الغلا
*****************
ماتجافونا ... من كثرت غلاكم في المنام اتجونا .... غاليين غلا ماصار هبلتونا
*****************
اعزاز غلاهم مالاحد .... انكان يهد ... يغرق بنغازي ويرد
****************
غلاكم عندي عالي القيمة .... هكي ديمة ... يصعب عالعالم تهديمة
****************
اسألوا علينا يامحسنين .... والله مشتاقين ... يخرب بيت الشوق اللي خلانا شحاتين
****************
فرقت حالي ..... يشرد دقيقه ويرد لي موالي ... عقلي بلا لولاف فرقة حالي
***************
أن كان غيري كاتب غلاك بسطور .. راني نقشتة بالذهب أبدا ماتمحية البحور
****************
مانك رفيق و بس .. انت الهواء ماينفع معاك نفس .. لو كان تندري
*****************
يلي سماح افعالك .. نطلب الله إيصير مافي بالك .. و يرتاح خاطرك
*****************
عيني وين الغفوه طالت .. هف عزيز غطاها شالت
***************
نبكي موش غلا في عيونه .. وجعتني ياناس الخونه
***************
صوبك ع الشينات أمبيت .. يا خوان أنعدك ميت
**************
سيوره أيبات بلاه ّ><ّ عزيز كان هازي ع الغلا
****************
جفيت جفاتك .. مانذل عيني اللي حباتك .. وردود الجفاء واجب
******************
ناوي معاك الخيره .. و حاير معاك الخير كيف أنديره .. عندي أقدارك يا عزيز كبيره
***************
يبكي كل الشعب الليبي
لو نحكي للناس سريبي
****************
قصة عذاب في خاطري كاميها*إتبكي الحجر والطين لو نحكيها * لو نتكلم تطفي أنوار الكون لين إيظلم*لا شمس تزرق لا نهار إيعلم والقمر ربي في السما يخفيها*وتبدأ الجبال لحالتي تتألم تدوب في الوطا الأمر يفنيها* وهكي أيامي في السواد إمظلم قصه وراء قصه إنفوت فيها
****************
**وفاك نعزه وحق من خلق بين الاحباب معزة .. هذا سلام الود ليك اندزه
****************
أصحاب باعدو خلو غصه
وخلو خواطر خافيه مندسه
نار بعدهم بركان صاعب مسه
**************
غير دوارة حس معاهم ..........كذبة ما نقدر ننساهم
**************
راكم في البال هايمين .. وتحت رمش عيني نايمين .. لاتقولو قاطعتكم أنتم بقلبي دايمين
**************
في الحب تمرميده صارت لين النيه منهم طارت
**************
من الياسات خدينا خبره _ نخلط في الضحكه بالعبره .
*************
يالقديم غيابك قسوه _ تشمت فينا إللي ما يسوي .
**************
إطنش يالعزيز عليا ..... توكل ولا تشرب فيا
***************
عليك أمرايف يا سموح مع روحك ما عندي الروح .
*************
غيبت عزيز كيف الموت ....... والموت وين نلقالها دواء
************
يلهيك الجديد ايام .. ويجيك يوم تبكي عالقدم
*************
يالقديم الباين باين .. لانك ليا لانك هاين
*************
الزين اللي جاني مرساله .. سلم حاله انشاء الله ديما زاهي باله
**************
*دوم اتريده عينى خدت ع الزين ومواعيده **ان غاب تنشدنى عليه اتريده...
***************
يا ما درت انريد غلاهم ..لاكن كافونى بخطاهم
***************
كيف بعضهن عذاب للقلب والخاطر الله فارضهن غلاك وجفاك أمعايا كيف بعضهن
************
البارح منام الليل جاب الطله .. تمنيت هذا الحلم عمرى كله
************
حتى والنظر ماجابك .. غالى عندى دير إحسابك .
************
ياشــــــــاغلها حتى والمسافه بينا مطولها ..إترايف عليك العين ياشاغلها
اليومية
